|
Au vilatge damont
L’i es una niéra fuòla
Es un brave niston
Canta sus la sieu cuòla
Ne’n fa rire e cadun
Si ralegra ensemb’eu
Dau paure pistafum
S‘aude lo cascaveu
Rolla la sieu giba
‘M’au papier ziga-zag
De buòn matin si subla
L’Oferta coma un rag
Si suòna Cocha Carema
Es pròpi un babajoan
A un quart de luna en la testa
Li cigalas tot l’an
Es un dròlle de garri
‘Mé la sieu colamua
Ne’n brama « quiriquiqui » !
Quora fuma la bua
A manco de belicres
Pèr regarjar li gents
Se’n bate la vilhusa
Es beat va ben
A pilhat nuòstre pastre
La nau dei brama-fams
Es anat dins lu astres
‘M’ai autres Segurans.
|
